Category: Blogg

Þau Katrín Ólína Pétursdóttir og Hallgrímur Helgason leggja Styrktarfélagi lamaðra og fatlaðra lið í ár við hönnun Jólaóróans – Grýlu. Katrín Ólína fæst við stálið en Hallgrímur við orðin. Grýla er ein þekktasta þjóðsagnapersóna okkar Íslendinga. Hún er móðir jólasveinanna og sinnir því vandasama hlutverki að ala þá ólátabelgina upp. Grýla á sinn stað í hugum okkar flestra, en gráglettnar frásagnirnar vekja gjarnan minningar úr barnæsku. Markmið með gerð og sölu Grýlu er að auðga líf fatlaðra barna og ungmenna. Allur ágóði rennur til Æfingastöðvar Styrktarfélags lamaðra og fatlaðra.

Hér er hún komin draumamottan undir jólatréð. Hún ber heitið Pinocchio og er frá danska framleiðandanum Hay, fáanleg í tveimur stærðum, 90 cm í þvermál (44.200 kr.) og 140 cm (114.400 kr.). Motta sem mun ganga í erfðir.

Spiladósir Margrétar Guðnadóttur fást nú hér hjá okkur í Skeifunni (en áður seldum við þær einungis í Leifsstöð). Þær kosta frá 6500 kr. og eru tilvaldar jólagjafir. Íslensk hönnun og íslensk framleiðsla!

FlowerWave-blómavasarnir eru nýir hér hjá okkur. Hönnuðurinn Knud Holscher hannaði þá fyrir danska fyrirtækið D-zn. Vasarnir eru fallegir einir sér en einnig má raða þeim saman á ýmsan máta. Frábær jólagjöf, þú gefur einn núna og annan um næstu jól …

Við höfum heyrt því fleygt að skortur verði á innfluttum jólatrjám þetta árið og þess vegna höfum við ákveðið að bjóða öll svört tré frá Swedese á 25% afslætti. Trén voru hönnuð af Katrínu Ólínu Pétursdóttur og Michael Young árið 2001 og eru fáanleg í tveimur stærðum, bæði frístandandi og á vegg.

Georg Jensen hefur framleitt jólaóróana sína frá árinu 1984. Nú er svo komið að hætt hefur verið framleiðslu á öllum eldri óróum þannig að ekki verður lengur hægt að panta inn eldri árganga. Við hér í Epal eigum ennþá eitthvað til og því um að gera að næla sér í þá sem vantar í safnið.

Nú getum við boðið einstakt verð á jólaóróum Georg Jensen frá 2006 og 2007.
Tilboðsverð meðan birgðir endast 3800 kr.

Kæru viðskiptavinir,
velkomnir á bloggið okkar!
Hér langar okkur að vera með ýmsan fróðleik um vöru okkar og þjónustu, segja frá tilboðum, nýjungum og öðru skemmtilegu sem okkur dettur í hug.

Endurnar minna mjög á danska vorið þegar andamamma vaggar stolt um stræti Kaupmannahafnar með nýfæddum ungum sínum. Ein víðförul andafjölskylda sem fór á stjá vorið 1959 lifir í þjóðarsál dönsku þjóðarinnar en þá þurftu lögreglumenn í Fredriksberg að stöðva umferð á meðan fjölskyldan gekk yfir gangbraut. Þessi minnisstæði atburður náðist á filmu og öll dönsku dagblöðin prentuðu þá frægu ljósmynd. Atburðurinn var að margra mati dæmigerður fyrir þá virðingu sem Danir bera fyrir náttúrunni, hinu smáa í lífinu og hve vel þeir kunna að meta kraftaverk hversdagsins.
Hönnuðurinn Hans Bølling varð fyrir sterkum áhrifum af fréttunum af göngutúr andafjölskyldunnar og hann hannaði tréendurnar sem bera með sér andblæ hins friðsama og indæla vors. Mjúkar og ávalar línurnar eru einfaldar og fágaðar og kalla fram friðsemd og samhljóm hvar sem þeim er stillt upp, rétt eins og fyrirmyndirnar gerðu á gangbrautinni vorið 1959.

Andamamma kostar 15.950 kr. og anarunginn 9700 kr.