Á seinasta ári átti PH 5 lampinn frá Louis Poulsen 50 ára afmæli. Í tilefni þess var ákveðið að gera sérstaka afmælisútgáfu af lampanum.
Afmælisútgáfan finnst í fimm litum og eru þeir eftirfarandi: chili red (rauður), mint blue (ljós blár), wasabi green (grænn), coconut white (hvítur) og olive black (svartur).
Lampinn kostar 109.500 kr. og er aðeins til í takmörkuðu upplagi.
Grass vasarnir vinsælu frá Normann Copenhagen eru loksins komnir aftur á lager.
Lítill 4.900 kr.
Miðstærð 6.900 kr.
Stór 8.900 kr.
Herb Stand er ný vara frá Normann Copenhagen. Þetta er kryddjurtastandur sem er tilvalinn í eldhúsgluggann undir myntuna í mojitoinn og fyrir graslaukinn í bökuðu kartöfluna. Það fylgja skæri með og þau geymast ofan í miðjum standinum.
Herb Stand kostar 4.950 kr. 
Svo má ekki gleyma Herb Garden frá Royal VKB sem er búinn að vera í sölu hjá okkur síðan síðasta sumar. Ég mundi lýsa Herb Garden sem kryddjurtagarði í eldhúsinu, vegna þess að þar er hægt að planta mörgum kryddjurtum í sama rýmið.
Herb Garden kostar 4.900 kr.
Ef þú misstir af opnuninni í gær á sýningunni hans Péturs B. Lútherssonar, þá er heppnin með þér, því hérna fyrir neðan er smá myndbandsbrot af sýningunni.
{youtube}g_Pf9LiWoJc{/youtube}
En sýningin stendur í þrjár vikur og er hjá okkur í Skeifunni 6.
Krítartafla
Time Square er krítartafla, klukka og segultafla allt í einu. Þú ræður hvernig þú notar ..a sdfk as
Virðingavottur við magnaða konu
Af elliheimilinu Grund brunaði Jórunn Ragnheiður Brynjólfsdóttir 98 ára kaupmaður í leigubíl í vinnuna. Þessi afkomandi Hákarla-Jörundar athafnamanns fæddist í Hrísey þann 20. júní 1910. Jórunn gekk með verslunarbakteríuna frá barnæsku en hóf þó ekki störf við verslun fyrr en hún hafði lokið uppeldi barna sinna og sinnti þá verslunarstörfum til 75 ára aldurs. Endurkoma hennar á vinnumarkaðinn var tekin með stæl þegar hún ákvað að opna verslun 82 ára gömul. Verslunin fékk nafnið Jórunnarbúð sem seldi sængurfatnað og borðdúka í kærleiksríku umhverfi á horni Skólavörðustígs og Klapparstígs. Þar fengu viðskiptavinir gjarnan kærleika í kaupbæti í formi lítils hjarta sem hún leysti viðskiptavini sína gjarnan út með. Hér er verið að taka hugmynd Jórunnar lengra og klappa henni aðeins. Jórunn í Jórunnarbúð lést á Grund 21. nóvember 2008. Hjörtunum hefur öllum verið gefið nafnið Jórunn. Þau eru virðingavottur, gerð í minningu um þessa hversdagshetju sem ekki má gleymast.
Hjartalaga trúnaðarvinur
Efnið sem notað er í hjörtun er gardínur, dúkar og sængurföt eða það sem fékkst í Jórunnarbúð. Hjörtun eru hugsuð sem falleg gjöf bæði í gleði og sorg, fyrir allan aldur og kynin öll. Ekkert hjarta er eins en keðja er á þeim til að hengja það til dæmis á vegg, á korktöfluna eða jólatréið. Hjörtunum er komið fyrir, í anda Jórunnar, á blúndubeði í öskjunni og í botninum er miði sem segir frá Jórunni hjarta – þessum hjartalaga trúnaðarvini.
Þau Katrín Ólína Pétursdóttir og Hallgrímur Helgason leggja Styrktarfélagi lamaðra og fatlaðra lið í ár við hönnun Jólaóróans – Grýlu. Katrín Ólína fæst við stálið en Hallgrímur við orðin. Grýla er ein þekktasta þjóðsagnapersóna okkar Íslendinga. Hún er móðir jólasveinanna og sinnir því vandasama hlutverki að ala þá ólátabelgina upp. Grýla á sinn stað í hugum okkar flestra, en gráglettnar frásagnirnar vekja gjarnan minningar úr barnæsku. Markmið með gerð og sölu Grýlu er að auðga líf fatlaðra barna og ungmenna. Allur ágóði rennur til Æfingastöðvar Styrktarfélags lamaðra og fatlaðra.
